I ha bis em Mittwuche nid dra gloubt, dass dä SIC würklech düregfüert wird. Wo de Bucheli de no vo guetem Wucheänd Wätter gschwaflet het, hani mi haut agmäudet, obwou i ohni mini super Tallouf Quadrizeps Trainings nid optimau vorbereitet gsi bi.

So isches mer de haut äbe nid so ring gloffe, scho gar nid am Afang wos no nass isch gsi u ou nid am Stutz im Sulgenegg. I bi froh gsi, gäng i däm Grüppli mit fasch aune Thunliners chönne z’blibe u ha trotz auem no äs ordentlechs Renne chönne loufe.

Ganz bsungersch isches haut scho, fasch vor dr eigete Hustüre u de no vor em Bundeshus chönne z’inline! Mir müesste üs witer derfür isetze, dass wieder einisch z’Thun so öppis abgeit!

Super isch gsi, dass so viu Thunliners si am Schtart gsi.

De SIC zuckt no, är isch no nid gschtorbe…..!

Paul G. aus G